काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

मुख्यमन्त्री गुरुङले भने– रेलको रफ्तारमा गण्डकीको विकास

15.75K
shares

पोखराको लामाचौरमा शनिबारदेखि लामाचौर तीज महोत्सव २०७५ सुरु भएको छ । भदौ २७ गतेसम्म सञ्चालन हुने महोत्सवको एक समारोहबीच गण्डकी प्रदेशका मुख्यमन्त्री पृथ्बी सुब्बा गुरुङले उद्घाटन गरे ।

मेला उद्घाटन गर्दै मुख्यमन्त्री गुरुङले मेला र महोत्सवलाई आर्थिक विकास र समृद्धिका लागि पर्यटनसँगै जोडेर मनाउन सुझाव दिए । गण्डकी प्रदेश लोक साहित्यको क्षेत्रमा धनी प्रदेश भएको उनको भनाइ छ ।

प्रदेश सरकारसमक्ष जनताले अपेक्षा गर्नु स्वाभाविक भएको मुख्यमन्त्री गुरुङले बताए । ‘तर प्रदेश सरकार ६ महिनाको वालक जस्तो अवस्थामा हाल रहेकाले गर्ने समय आउँदै छ,’ उनले भने ।

सडक महोत्सव, प्याराग्लाइडिङ पोखराका पहिचान गर्ने ब्रान्ड नै भएकाले यस्ता ब्रान्डको पहिचान गरी अन्तर्राष्ट्रिय बजारमा प्रचारप्रसार गर्नुपर्ने मुख्यमन्त्री गुरुङको भनाइ छ । संघिय सरकारले अझै प्रदेशमा आवश्यक कर्मचारी नपठाएकोमा उनले असन्तुष्टि जनाए । मुख्य मन्त्री गुरुङले केही महिनापछि रेलको रफ्तारमा गण्डकी प्रदेशको विकास गर्ने लक्ष्य रहेको सुनाए ।

गण्डकी प्रदेशका सांसद कृष्ण थापाले लामाचौर महोत्सवले कला र संस्कृतिको साथमा विभिन्न खेलकुदको समेत विकासमा सहयोग पु¥याएको बताए । कार्यक्रममा इन्द्रराज्य लक्ष्मी माविबाट एसईईमा उत्कृष्ट अंक ल्याउने सृष्टि लामिछाने र संघर्ष लामिछानेलाई सम्मान गरिएको छ ।

लामाचौर तीज महोत्सवको अवसरमा शनिबारदेखि अन्तरविद्यालय छात्रा भलिबल प्रतियोगिता, नरबहादुर बानिया स्मृति प्रदेश स्तरीय सितोरियो कराँते प्रतियोगिता र अन्तर समूह तीज गीत प्रतियोगिता सुरु भएको खेल संयोजक सुशीलकुमार श्रेष्ठले जानकारी दिए । ‘मौलिक संस्कृतिको जगेर्ना गरौं’ भन्ने उद्घोषका साथ महोत्सव आयोजना गरिएको हो ।