१६ वर्ष मुनिको एएफसी महिला च्याम्पियनसिप छनौंट २०१९ अन्तर्गतको खेलमा नेपाल मेडिसिटी अस्पतालले ग्राउन्ड सपोर्ट गर्ने भएको छ । मंगलबार एन्फा र अस्पतालबीच भएको सम्झौता अनुसार असोज ३ गते देखि ७ गतेसम्म जारी रहने महिला च्याम्पियनसिपको क्रममा उपचार तथा ग्राउण्ड सपोर्टका लागि नेपाल मेडिसिटी अस्पतालले सेवा प्रदान गर्ने भएको हो ।

मंगलबार गरिएको सम्झौतामा मेडिसिटीका तर्फबाट महाप्रबन्धक विजय रिमाल र एन्फाका तर्फबाट महासचिव इन्द्रमान तुलाधरले हस्ताक्षर गरेका हुन् ।

२०१९ मा हुने एएफसी अण्डर १६ महिला फुटबलको छनौटका लागि समुह इ अन्तर्गत हलचोक मैदानमा जारी खेलमा नेपाल लगाायत म्यानमार, फिलिपिन्स र मलेसियाको सहभागिता छ ।

खेलाडिहरुको उपचारका लागि मेडिसिटीको अत्याधुनिक एसिएलडब्लु एम्बुलेन्स, मोबाइल क्लिनिक, प्यारामेडिक्स सहितको मेडिकल टिम मैदानमा तयारी अवस्थामा रहेको छ । साथै मैदानमा घाइतेहरुको आकस्मिक उपचार गरिने र आवश्यक परेको खण्डमा अस्पतालमै पु¥याएर सेवा दिने व्यवस्था मिलाइएको अस्पतालले जनाएको छ ।

खेलमा हरेक किसिमको उपचार दिन अस्पताल तयार रहेको महाप्रबन्धक रिमालको भनाई छ । मैदानमा दुर्घटना निम्तिएको अवस्थामा विशेष उपचारका लागि पूर्णरुपमा तयार रहेको रिमालले बताए । नेपालको सहभागिता रहेको अन्तर्राष्ट्रिय खेल प्रतियोगितामा मेडिकल पार्टनर रहन पाएकोमा रिमालले खुसी व्यक्त गरे ।