‘पुस १६ गइसक्यो, पानी जहाज खै प्रधानमन्त्री ज्यू ?’
वि.सं.२०७५ पुस १७ मंगलवार २०:५२
shares

सांसद प्रेम सुवालले प्रधानमन्त्री केपी शर्मा ओलीलाई पानी जहाजका विषयमा संसद्लाई जवाफ दिनुपर्ने माग गरेका छन् । ‘प्रधानमन्त्रीले २०७५ साल पुस १६ बाट नेपालमा पानी जहाज सञ्चालन हुन्छ भन्नुभएको थियो, तर पानी जहाज सञ्चालनमा आएन । त्यसैले उहाँले संसद्लाई जवाफ दिनुपर्छ,’ प्रतिनिधिसभा बैठकको शून्य समयमा उनले भने ।
प्रधानमन्त्री ओलीले पुस १६ गतेबाट पानी जहाज चल्ने बताउँदै सर्वसाधारणलाई पानीजहाजमा चढ्न निम्तो दिएका थिए । असार १४ गते एक कार्यक्रममा प्रधानमन्त्री ओलीले सबैलाई जहाजबाट कलकत्ताको यात्राका लागि निम्तो दिएका थिए । तर, प्रधानमन्त्री ओलीले घोषणा गरेको समय गुज्रिसक्दा पनि पानी जहाजको छाँटकाँट नदेखिएपछि प्रश्न उठ्न थालेको हो ।

























