काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

कर्णालीमा ११४ जनामा कुष्ठरोग

18.73K
shares

कर्णाली प्रदेशमा ११४ जनामा कुष्ठरोग देखापरेको छ । आर्थिक वर्ष २०७४÷७५ मा प्रदेशका १० जिल्लामा कुष्ठरोगी फेला परेका हुन् ।

कुष्ठरोगको क्षेत्रमा काम गर्दै आएको गैरसरकारी संस्था आइएनएफका अनुसार सबैभन्दा बढी बिरामीको संख्या सुर्खेतमा देखिएको छ । सुर्खेतमा एक वर्षको अवधिमा थप २६ कुष्ठरोगी फेला परेका छन् । तथ्यांकअनुसार जाजरकोटमा २०, दैलेखमा १०, कालिकोट र रुकुममा नौ–नौ, जुम्ला, मुगु र सल्यानमा तीन–तीन तथा हुम्लामा एक जनामा कुष्ठरोग देखिएको छ ।

सरकारले सन् २०२० सम्ममा नेपाललाई कुष्ठरोग उन्मूलन गर्ने लक्ष्य लिएको छ । बिरामी वर्षेनी बढ्दै जाँदा यसमा चुनौती देखिएको छ । आइएनएफद्वारा सञ्चालित साइनिङ अस्पतालका निर्देशक मंगल चौधरीका अनुसार नेपालमा वर्षेनी तीन हजारभन्दा बढी कुष्ठरोगका बिरामी फेला पर्ने गरेका छन् । विश्व स्वास्थ्य संगठनका अनुसार सो क्रम बढ्दो मात्रामा छ ।

साइनिङ अस्पतालमा साउनयता १० कुष्ठरोगका बिरामी उपचारका लागि पुगेका छन् । गत वर्ष ६० कुष्ठरोगी उपचारका लागि अस्पताल पुगेका थिए । अस्पतालले अहिलेसम्म १० हजार ८०० कुष्ठरोगीको उपचार गरिसकेको चौधरीले जानकारी दिए । गत वर्ष १४६ कुष्ठरोगी भर्ना भएका थिए ।(रासस)