काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

बुटवलमा पनि मनाइयो नेपाल सम्वत

11.97K
shares

नेवारी समुदायले नेपाल सम्वत ११३९ विशेष कार्यक्रम गरी मनाएका छन् । नेवाः पुचः बुटवलको आयोजनमा प्रभातफेरीलगायत विभिन्न औपचारिक कार्यक्रम गरी बुटवलमा नेपाल सम्वत मनाइएको हो ।

बुटवलको ट्राफिक चोकबाट सुरु भएको प्रभातफेरि विभिन्न स्थानको परिक्रमा गरी ट्राफिक चोकमै पुरेर समापन भएको थियो । कार्यक्रममा नेपाल उद्योग बाणिज्य महासंघका केन्द्रीय सदस्य तथा बुटवल उवासंघका पूर्वअध्यक्ष सुरेन्द्रप्रसाद श्रेष्ठले संस्कृति जोगाउन नेवारी समुदायबीच एकता बढ्दै गएको बताए ।

कार्यक्रममा बुटवल उद्योग वाणिज्य संघका पूर्वअध्यक्षद्वय नवराज श्रेष्ठ र हीराप्रसाद श्रेष्ठ तथा बुटवल उपमहानगरपालिका–८ का अध्यक्ष भीमबहादुर श्रेष्ठ, नेपाली कांग्रेस बुटवल नगर सभापति खेलराज पाण्डे, समाजसेवी महेश्वरप्रसाद श्रेष्ठ, निर्मल लाकौललगायतले शुभकामना दिएका थिए ।

नेपाल सम्वतमा मुख्यमन्त्रीको शुभकामना
यसैबीच, नेपाल सम्वत ११३९ को अवसरमा प्रदेश ५ का मुख्यमन्त्री शंकर पोखरेलले स्वदेश र विदेशमा रहेका सम्पूर्ण नेपाली दिदीबहिनी दाजुभाइमा हार्दिक शुभकामना व्यक्त गरेका छन् । शुभकामना सन्देशमा मुख्यमन्त्री पोखरेलले नेपाल सम्वत मौलिक सम्वत भएको र यो नेपाली परम्परा र मौलिकतासँग गाँसिएको बताएका छन् ।

शंखधर साख्वाले गरिबको ऋणमोचन गरेपछि सुरु भएको मानिने नेपाल सम्वतले सामाजिक विभेदको अन्त्य, समानताको स्थापना, विपन्नहरुको सम्मान र सामाजिक सद्भावमा स्थापनामा सधैं महत्व राख्ने मुख्यमन्त्री पोखरेलले बताए ।