पर्यटन मन्त्री पौडेल र भारतीय राजदूत दलैलाबीच भेटवार्ता
अदालतमा वकपत्र दिने तयारीमा रहेका ठाकुरकाे हत्या
वि.सं.२०७५ कात्तिक ३० शुक्रवार ००:१३
13.1K
shares
shares
धनुषाको विदेह नगरपालिका–५ मुरिवा बस्ने एक जनाको छुरा प्रहार गरी हत्या भएको छ । मुरिवा बस्ने ६५ वर्षीय माने ठाकुरको छुरा प्रहार गरी हत्या भएको अवस्थामा पोखरीमा शव फेला परेको हो ।
स्थानीय विद्यालय नजिकै रहेको पोखरीमा ठाकुरको आँखामा छुरा घोपेर हत्या गरिएको अवस्थामा शव फेला परेको स्थानीयले बताए । गाउँकै एक महिलाको हत्या घटनामा ठाकुर बिहीबार जिल्ला अदालत धनुषामा वकपत्र दिन जाने तयारीमा थिए । तर बीचमै हत्या गरिएको स्थानिय अरबिन्द यादवले बताए ।
अदालत जानु १ दिनअघि नै गाउँमै ठाकुरको हत्या भएको छ । मृतकका आफन्तका अनुसार स्थानीय बहादुर मण्डलले ४ दिनअघि ठाकुरलाई अदालतमा वकपत्र दिन नजान धम्की दिएका थिए । ठाकुरको शव जनकपुर अञ्चल अस्पतालमा पोस्ट्मार्ट्मका लागि ल्याइएको छ ।
यता जिल्ला प्रहरी कार्यालयले घटनाबारे अनुसन्धान भइरहेको बताएको छ ।
