काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

फाल्गुनन्द गोल्डकप आजदेखि, १० टोली सहभागी

12.98K
shares

फाल्गुनन्द गोल्डकप फुटबल प्रतियोगिता आज पाँचथरको फिदिममा सुरु हुँदैछ ।

दशौँ संस्करणको प्रतियोगिताको उद्घाटन खेलमा झापा–११ ले कर्णसिंह सोनाम मेमोरियल क्लब ताप्लेजुङसँग प्रतिस्पर्धा गर्नेछ । फिदिम माविको खेल मैदानमा यी दुई टोली दिउँसो २ः३० बजेदेखि आमने–सामने हुने बताइएको छ । प्रतियोगिता फिदिम स्पोर्टिङ क्लब र पाँचथर जिल्ला फुटबल संघको संयुक्त आयोजनामा हुन लागेको हो ।

पुस ३० गतेसम्म सञ्चालन हुने प्रतियोगिताको विजेताले ४ लाख रुपैयाँ प्राप्त गर्नेछ भने दोस्रोले २ लाख रुपैयाँ पाउनेछ । बेस्ट गोलकिपर, बेस्ट डिफेन्डर, बेस्ट मिडफिल्डर, बेस्ट फरवार्ड, उदीयमान खेलाडी र प्रत्येक खेलको म्यान अफ् द म्याचलाई जनही १० हजार रुपैयाँ दिइने आयोजकले जनाएको छ । बेस्ट कोच र सर्वाधिक गोलकर्ताले भने १५ हजार रुपैयाँ पाउनेछन् । उत्कृष्ट खेलाडीलाई यामाहा मोटरसाइकल दिइने आयोजकले जनाएको छ ।

प्रतियोगितामा विभागीय क्लब त्रिभुवन आर्मी, सशस्त्र प्रहरीको एपीएफसँगै हिमालयन शेर्पा क्लब, ब्वाइज युनियन क्लब, जावलाखेल युथ क्लब, सुनसरी–११, मोरङ–११, झापा–११, कर्णसिंह सोनाम मेमोरियल क्लब ताप्लेजुङ र आयोजक फिदिम स्पोर्टिङ क्लब पाँचथरको सहभागिता रहने बताइएको छ ।