काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

जनकपुरमा विद्युत् चुहावट नियन्त्रणमा प्रगति

20.41K
shares

नेपाल विद्युत प्राधिकरण जनकपुर वितरण केन्द्रले धनुषामा जथाभावी रुपमा हुकिङ गरि विद्युत चुहावट नियन्त्रण कार्यलाई तीव्रता दिएको छ । विद्युत चुहावट नियन्त्रण गर्ने अभियानको थालनी गरेको विद्युत प्राधिकरण जनकपुर वितरण केन्द्रले बढी विद्युत चुहावट हुँदै आएको क्षेत्रलाई लक्षित गरी अभियानलाई तिव्रता दिएको हो ।

जनकपुर वितरण केन्द्रबाट ३५ प्रतिशतको हाराहारीमा विद्युत चुहावट भइरहेकाले यस वर्ष ७ प्रतिशतको हाराहारीमा विद्युत चुहावट रोक्ने प्राधिकरणको योजना छ । विद्युत चुहावट दर घटाउन अभियानको थालनीको क्रममा जनकपुरधाम उपमहानगरपालिका, मिथिला विहारी नगरपालिका, हंसपुर नगरपालिका, नगराइन नगरपालिका, धनौजी गाउँपालिका, औरही गाउँपालिका, मुखियापट्टी मुसहरनियाँ गाउँपालिकामा गरेको अनुगमनले सिंगल फेज तर्फ २ हजार ५ सय ८५ वटा मिटरधारिलाइ कार्बाही गरिएको छ ।

अनुगमनकै क्रममा थ्रि फेज तर्फ ३ सय ९० र टियुडी मिटर तर्फ ८ जनालाई कार्बाही गरिएको जनकपुर केन्द्रका प्रमुख सूर्यनारायण मण्डलले जानकारी दिए ।

आर्थिक बर्ष २०७५/७६ को साउनदेखि हालसम्म हुकिङ्गको अभियोगमा १ हजार ५ सय ६० जनालाई कार्बाही गरिएको छ । कार्बाही वापत प्राधिकरणलाई ३३ लाख ५८ हजार रुपैयाँ राजश्व संकलन भएको छ । मिटरबाट चोरी गरेको अभियोगमा १३ जनामाथि कार्बाही गरिएको छ ।

हुकिङ्ग नियन्त्रण अभियानअन्तर्गत १ सय ३६ जनालाई कार्बाही गरिएको छ, जसबाट  २० लाख ६ हजार रुपैयाँ राजश्व संकलन भएको प्राधिकरणले जनाएको छ ।

विद्युत महशुल नबुझाउने ५ सय ६१ जनाको घरको लाईन काटिएको छ । घरको लाइन काट्दा पुनः लाइन जोडाउन ग्राहकबाट बाँकी बिलमध्ये १ करोड २० लाख रुपैयाँ राजश्व संकलन गरिएको जानकारी दिएको छ ।