काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

प्रांगारिक कृषि उत्पादनको आधारपत्र तयार गर्न कार्यदल गठन

14.32K
shares

सरकारले प्रांगारिक कृषि उत्पादनका लागि आधारपत्र तयार गर्ने लक्ष्यका साथ उच्चस्तरीय कार्यदल गठन गरेको छ । कृषि तथा पशुपक्षी विकास मन्त्रालयले १५ सदस्यीय उच्चस्तरीय कार्यदल गठन गरेको हो ।

कार्यदलको संयोजकमा कृषि तथा पशुपन्छी विकासमन्त्री चक्रपाणि खनाल आफैँ अध्यक्ष रहेका छन् । कार्यदलले आगामी चार महीनाभित्र प्रतिवेदन तयार पार्नेछ ।

प्रांगारिक कृषि उत्पादन प्रणाालीलाई व्यवस्थित रुपमा प्रवर्द्धन गर्ने तथा प्रांगारिक उपजको प्रमाणीकरण गरी स्वदेशी तथा विदेशी बजारमा पुर्याउने लक्ष्य राखिएको कार्यदलका सदस्यसचिव डा. गङ्गादत्त आचार्यले जानकारी दिए ।

कार्यदलले मन्त्रालयअन्तर्गत संस्थागत, नीतिगत र कानुनी ढाँचा निर्माण गर्ने तथा सोही ढाँचाका आधारमा प्रादेशिक तथा स्थानीय सरकारलाई समेत मार्गनिर्देश हुनेछ ।

कार्यदलमा कृषि तथा पशुपक्षी राज्यमन्त्री रामकुमारी चौधरी, कर्णाली प्रदेशका भूमि व्यवस्था, कृषि तथा सहकारीमन्त्री विमला केसी, राष्ट्रिय सभा सदस्य डा. विमला राई, मन्त्रालयका सचिव युवकध्वज जिसी, राष्ट्रिय किसान आयोगका सदस्य रवीन्द्र केसी र खैरहनी नगरपालिका चितवनका प्रमुख लालमणि चौधरी सदस्य रहेका छन्ज ।

त्यस्तै कार्यदलको सदस्यमा आलु, तरकारी तथा मसलाबाली विकास केन्द्रका प्रमखु डा. हरिबहादुर केसी, नेपाल कृषि अनुसन्धान परिषद् (नार्क)का डा टीकाबहादुर कार्की, कृषि विज्ञ डा. कृष्णप्रसाद पौडेल, प्राङ्गारिक अभियान्ताद्वय डा. प्रेम थापा, उद्धव अधिकारी र कृषि व्यवसायी राजेन्द्र देवकोटा छन् । (रासस)