प्रतिनिधिसभा अन्तर्गतको अर्थ समितिले बजेटबारे परामर्श लिन प्रदेशस्तरीय अन्तरक्रिया गर्ने भएको छ । अर्थमन्त्रालयले आगामी आर्थिक वर्षको बजेटको लागि गृहकार्य अगाडि बढाएपछि अर्थसमितिले सुझाव दिनको लागी तयारी स्वरुप छलफल अन्तरक्रिया गर्न लागेको हो ।

बैशाख ५ गतेदेखि सुरु गरिने अन्तरक्रियाका लागि दुई समूह बनाएर प्रदेशस्तरीय छलफल गरिने छ । राष्ट्रिय गौरवका आयोजनाको अवस्थाबारे स्थलगत अवलोकन गरेर प्रदेशस्तरीयको रायसुझवसहित अध्ययन गरेर प्रतिवेदन बनाएरै सरकारलाई बुझाउने अर्थसमितिका सभापति कृष्णप्रसाद दाहालले बताए । ‘अर्थसमितिले यसपटक फरक ढंगले बजेटपूर्व छलफल गर्ने भएको छ , सबै प्रदेशबाट आएको सुझाव बैशाख १५ भित्र अर्थमन्त्रालयलाई बुझाउने छौँ ’ अर्थसमितिका सभापति दाहालले बताए ।

प्रदेशमा प्रदेश अर्थसमितिका प्रतिनीधि, प्रदेश अर्थमन्त्रालयका अर्थमन्त्री, सो क्षेत्रका निर्वाचित सदस्य, नीजी क्षेत्र लगायतसँग अन्तरक्रिया गर्ने कार्यक्रम रहेको जनाईएको छ । अर्थमन्त्रालयले पनि आगामी आर्थिक वर्षको बजेटको लागि गृहकार्य अगाडि बढाइरहेको छ ।

अर्थमन्त्रालयले विभिन्न विज्ञ तथा सर्वसाधारणलाई विभिन्न विषयमा राय सुझाव बैशाख १५ भित्र पेश गर्न पनि भनेको छ । आगामी आर्थिक बर्षको बजेटका लागि योजना आयोगले १४ खर्ब ९३ अर्बको सिलिङ दिएको छ ।

प्रकाशित समय : २२:३० बजे