सरकारले प्रतिबन्ध लगाएको ‘विप्लव समूह’का चार कार्यकर्ताले आत्मसमर्पण गरेका छन् । जिल्ला प्रशासन कार्यालय बाँकेका अनुसार ‘विप्लव’ समूहमा रहेर गतिविधि गर्दै आएकामध्ये अहिलेसम्म चार जनाले जिल्ला प्रशासन कार्यालयमै पुगेर आत्मसमर्पण गरेका हुन् ।

आत्मसमर्पण गर्नेमा खजुरा गाउँपालिका–८, रनियापुरका ६६ वर्षीय चुन्ना खाँ, सल्यान घर भई नेपालगञ्ज उपमहानगरपालिका–२ बस्ने डिल्लीबहादुर डिसी, कोहलपुर बस्ने रामजी कुँवर र रुकुम चौरजहारीका गगन खड्का रहेका प्रमुख जिल्ला अधिकारी मदन भुजेलले जानकारी दिए । उनका अनुसार कागज गराएर छाडिएको उनीहरुको गतिविधिमाथि भने प्रहरीले निगरानी गर्ने छ ।

प्रकाशित समय : २२:१९ बजे