आठौं राष्ट्रिय खेलकुदअन्तर्गत बुटवलमा जारी लन टेनिस प्रतियोगिताअन्तर्गत पुरुष टिम इभेन्टमा सशस्त्र प्रहरी बल (एपीएफ)ले स्वर्ण पदक जितेको छ । बिहीबार भएको खेलमा नेपाल आर्मीलाई ३–० को सोझो सेटले हराउँदै एपीएफले स्वर्ण पदक हात पारेको हो । प्रतियोगितामा एनआरएनए र गण्डकी प्रदेशले कास्य पदक जितेका छन् ।

महिला टिम इभेन्टतर्फ नेपाल आर्मीले स्वर्ण पदक जितेको छ । एपीएफलाई २–१ को सेटले हराउँदै नेपाल आर्मीले स्वर्ण पदक जितेको हो । त्यसैगरी, प्रदेश ३ र गण्डकी प्रदेशले कास्य पदक जितेका छन् ।

यसैगरी, पुरुष सिंगल्समा भीष्म काउछा क्वाटरफाइनलमा प्रवेश गरेका छन् । सञ्जय श्रेष्ठलाई ७–५, ६–३, ७–६ ले हराउँदै भीष्म काउछा क्वाटरफाइनलमा प्रवेश गरेका हुन् । त्यसैगरी, दावा शेषलाई ६–३, ६–१ ले हराउँदै संरक्षक भूषण बज्राचार्य पनि क्वाटरफाइलमा प्रवेश गरेका छन् ।

प्रकाशित समय : ०३:०१ बजे