इन्डियन प्रिमियर लिग (आईपीएल) मा चेन्नई सुपर किंग्सले राजिस्थान रोयल्सलाई हराएको छ । चेन्नईले राजस्थानलाई ४ विकेटले हराएको हो ।

चेन्नाईको जितसँगै कप्तान महेन्द्रसिंह धोनी आईपीएलमा किर्तीमानी रचेका छन् । उनी आईपीएलमा एक सय खेल जिताउने पहिलो कप्तान बनेका छन् । १ सय ५२ रनको लक्ष्य चेन्नईले २० ओभरमा ६ विकेटको क्षतिमा पूरा गर्यो । चेन्नईलाई जितका लागि १२ बलमा ३० रन आवश्यक हुँदा १९ औं ओभरमा १२ रन मात्र जोड्न सक्यो ।

अन्तिम ओभरमा जितको लागि १८ रन चाहिएको थियो । पहिलो बलमै रविन्द्र जडेजाले छक्का हाने । दोस्रो नो बल रहँदा अर्को बलमा २ रन खातामा जोडियो । तेस्रो बलमा धोनी बोल्ड आउट भएपछि खेल रोमान्चक हुन पुग्यो । चौथो र पाँचौ बलमा दुई–दुई रन हुँदा अन्तिम बल वाइड भयो । मिचेल सेन्टनरले अन्तिम बलमा छक्का प्रहार गर्दै खेल चेन्नाईको पोल्टामा पारे । राजस्थानका लागि बेन स्ट्रोक्सले २, धवन कुलकर्णी, जोफ्रा आर्चर र जयदेव उनादकटले समान एक विकेट लिए ।

घरेलु मैदान जयपुरमा टस हारेर पहिला ब्याटिङ थालेको राजस्थानले निर्धारित २० ओभरमा ७ विकेटको क्षतिमा १ सय ५१ रन बनाएको थियो । राजस्थानका लागि जोफ्रा आर्चर १३ र श्रेयस गोपाल १९ रनमा नट आउट रहेका थिए । बेन स्टोक्सले २८ रन जोडे, जस बटलर २३, अजिंक्या रहाणे १४, स्टिभ स्मिथ १५, सन्जु स्यामसन ६, रियान पराग १६ र राहुल त्रिपाठ्ठी १० रनमा आउट भए ।

प्रकाशित समय : १३:३८ बजे