नेपालगन्जमा हुने आठौं राष्ट्रिय खेलकुद प्रतियोगितामा सहभागि हुने गण्डकी
प्रदेशका खेलाडीलाइ विधाई गरिएको छ । गण्डकी प्रदेशका सामाजिक विकास मन्त्री
नरदेवी पुनले आइतबार पोखरा रंगशालमाा आयोजित एक समारोहकाबीच गण्डकी
प्रदेशका खेलाडी सहितको टिमलाई विधाई गरेकी हुन् ।

कार्यक्रममा बोल्दै उनले गण्डकी प्रदेशका खेलाडीहरलाई उच्च मनोवलका साथ
विभिन्न खेलमा आफ्नो प्रदर्शन गर्न आग्रह गरिन् । आगामी हुने ९ औं
राष्ट्रिय खेलकुद प्रतियोगिता गण्डकी प्रदेशले आयोजना गर्न सक्षम रहेको उनले
दाबी गरिन ।

ओलम्पीयन जित बहादुर केसी, डम्बर कुवंर, विमला रानामगर, मेनका रावत र भगवती के.सी.लाइ ओलम्पीक टर्च हस्तान्तरण गर्दै मन्त्री पुनले गण्डकी प्रदेशका खेलाडीहरुले अनुशासित पूर्वक खेल प्रर्दशन गर्न आग्रह गरिन् । उक्त ओलम्पीक टर्च लाइट खेलाडीहरु सहित पोखराको नगर परिक्रमा समेत गरिएको
छ ।

गण्डकी प्रदेशका सांसद दिपक कोइरालाले गण्डकी प्रदेशका खेलाडीहरुलाई
सफलताको शुभकामना दिदै गण्डकी प्रदेशमा खेलकुदको पूर्वाधार आवश्यक भएको
बताए । पश्चिमाञ्चल क्षेत्रिय खेलकुद विकास समितिका अध्यक्ष सन्पन्न श्रेष्ठको
अध्यक्षतामा सम्पन्न भएको विदाई कार्यक्रममा राखेपका सदस्य राजेश कुमार
गुरुङको समेत सहभागिता रहेको थियो ।

गण्डकी प्रदेशबाट कुस्ती बाहेक ३४
खेलमा ५ सय ५८ जना खेलाडीहरुले प्रतिष्प्रर्धा गर्ने भएको समितिका कार्यालय
प्रमुख लक्ष्मण योगीले जनाए । जस मध्य पुरुष ३ सय २ जना र महिला खेलाडीमा २
सय ५६ जना रहेकाछन्। पोखरामा ट्याथलन सम्पन्न भएको छ भने प्याराग्लाईडिङ
हुने भएको छ ।

अन्य अधिकाशं खेलहरु नेपालगन्जमा हुदैछ। केहि खेलहरु केहि दिन
अघि देखि संचालन भएको छ । मंगलबार पोखराबाट धेरै खेलका खेलाडीहरु
सहितको टिम जाने तयारी गरेको जिल्ला खेलकुद विकास समिति कास्कीका कार्यालयप्रमुख प्रकाश बरालले बताए ।

विभिन्न खेलमा गरी १ हजार ३ सय ७ वटा स्वर्ण पदकको लागि हुने प्रतिस्पर्धामा गण्डकी प्रदेशले कम्तिमा पनि २८ स्वर्ण पदक ल्याउने आशा गरेको अध्यक्ष श्रेष्ठले जनाए । श्रेष्ठको नेतृत्वमा टोली नेपालगन्ज जाने भएको हो । वैशाख ५ गते हुने उद्घाटन सत्रमा राष्ट्रिय तथा अन्तराष्ट्रिय खेलाडी मन्जु गुरुङको नेतृत्वतमा मार्च पास हुने भएको हो ।

प्रकाशित समय : १९:३८ बजे