दुई दशकपछि नेपालमा हुन लागेको दक्षिण एसियाली खेलकुद (साग) मा सहभागी खेलाडी तथा प्रशिक्षकको मनोबल बढाउन प्रधानमन्त्रीले खेलाडीलक्षित विशेष सम्बोधन गर्ने भएका छन् । खेलाडीको मनोबल बढाउन प्रधानमन्त्रीले सम्बोधन गर्न लागेका हुन् ।

प्रधानमन्त्रीले मंगलबार बिहान ११ बजे प्रज्ञा भवनमा हुने कार्यक्रममा सागका खेलाडी तथा प्रशिक्षकलाई सम्बोधन गर्ने निजी सचिवालयले जनाएको छ । सम्बोधनका क्रममा प्रधानमन्त्री ओलीले खेलाडी तथा प्रशिक्षकका लागि प्याकेज घोषणा गर्ने अनुमान गरिएको छ । मंसिर १५ गतेबाट नेपालमा साग खेलकुद प्रतियोगिता हुँदैछ । प्रतियोगिताअन्तर्गतका खेलहरू काठमाडौं, पोखरा र जनकपुरमा हुनेछन् ।

कार्यक्रममा राष्ट्रिय महिला भलिबल खेलाडीलाई पुरस्कार दिने तयारी पनि छ । बंगलादेशमा भएको एभीसी एसियन सिनियर सेन्ट्रल जोन वुमन्स भलिबल च्याम्पियनसिपमा नेपाली महिला भलिबल अटिमले स्वर्ण जितेको थियो । प्रधानमन्त्री ओलीले प्रज्ञा भवनमा सम्बोधनपछि दशरथ रंगशालाको मर्मत कार्य अवलोकन गर्ने बताइएको छ ।

प्रकाशित समय : १५:४५ बजे