काठमाडौं । ब्राजिलको राष्ट्रपति निर्वाचनमा पराजित भएपछि फ्लाभियो बोल्सेनारो अमेरिका पलायन भएका छन् ।

राष्ट्रपतीय चुनाव हारेको दुई दिनपछि नै बोल्सोनारोले ब्राजिल छोडेका थिए । अमेरिकी विदेश मन्त्रालयका एक वरिष्ठ अधिकारीले बोल्सोनारो र उनको परिवारलाई अमेरिका प्रवेश गर्न दिने र उनीहरूलाई भिसा जारी गर्ने निर्णय गरेको जानकारी दिएका छन् ।

ब्राजिलका अधिकारीहरूले फ्लाभियो बोल्सोनारो कहाँ छन् भन्नेबारे अनुसन्धान गरिरहेको बताएका छन् ।

ब्राजिलको लिबरल पार्टीका राष्ट्रपतीय उम्मेदवार फ्लाभियो बोल्सोनारो, राष्ट्रपतीय चुनावको दोस्रो चरणमा पराजित भएका थिए । आइतबार भएको चुनावको दोस्रो चरणमा राष्ट्रपति लुइज इनासियो लुला दा सिल्भाले बोल्सोनारोलाई पराजित गरेका थिए।

बोल्सोनारोमाथि खेलकुद सट्टेबाजीसम्बन्धी एउटा मुद्दा र उनका पिता जायर बोल्सोनारोको बारेमा बनाइएको चलचित्रसँग जोडिएको विषयमा अनुसन्धान भइरहेकाले उनले ब्राजिल छाडेको बताइन्छ। अमेरिकी राष्ट्रपति डोनाल्ड ट्रम्पले सोमबार ब्राजिलको चुनावमा धाँधली भएको आशंका गरेका थिए ।