भारत (गोवा) । भारतको गोवामा जारी साफ महिला च्याम्पियनसिप २०२६ अन्तर्गत आज पहिलो सेमिफाइनल खेलमा नेपालले बङ्गलादेशसँग प्रतिस्पर्धा गर्दैछ ।

गोवाको पण्डित जवाहरलाल नेहरू स्टेडियममा केही समयपछि हुने उक्त खेलको लागि आज नेपाली टोलीका मुख्य प्रशिक्षक नवीन न्यौपानेले प्लेइङ ११ खेलाडीको नाम सार्वजनिक गरेका छन् । मुख्य प्रशिक्षक न्यौपानेले कप्तान अञ्जिला तुम्बापो सुब्बाको नेतृत्वमा सुरुआती ११ खेलाडी मैदानमा उतारेका छन् ।

नेपालको सुरुआती टोलीमा कप्तान सुब्बासँगै पूजा राना, विमला विक, रेनुका नगरकोटी, सरु लिम्बू, गीता राना, रेखा पौडेल, प्रीति राई, रश्मीकुमारी घिसिङ, अनिता लाम्जेल र दीपा शाही रहेका छन् । बङ्गलादेशविरुद्धको खेलमा प्रशिक्षक न्यौपानेले आज चार खेलाडी परिवर्तन गरेका छन् । जसमा एन्जिला तुम्बापो सुब्बा, पूजा राना, प्रीति राई र अनिता लम्जेल रहेका छन् । उनीहरूले श्रीलङ्कासँग खेलेका थिएनन् ।

बङ्गलादेशले पनि कप्तान मारिया मन्डासहित ११ खेलाडीको नाम सार्वजनिक गरेको छ । कप्तान मारियासहित माइले अख्तर, शाम्सुन्नाहर, अफेदा खन्दाकर, कोहाती किस्कु, मस्त मोमिता खातुन, अनिका रानिया सिद्दिकी, उमेहा मरमा, साउरा अखन्दर प्रिटी, मस्त सुरोभी अख्तर अरफिन र रितु पोर्ना चक्मालाई सुरुआती टोलीमा समावेश गरेको हो ।

समूह चरणमा उत्कृष्ट प्रदर्शन गर्दै सेमिफाइनल पुगेका दुवै टोलीबीचको प्रतिस्पर्धा निकै रोमाञ्चक हुने अपेक्षा गरिएको छ । नेपाल घरेलु समर्थकको उत्साहसँगै फाइनल पुग्ने लक्ष्यमा रहेको छ भने यता बङ्गलादेश पनि लगातार सफलताको लय कायम राख्न चाहन्छ ।

यसअघि पटकपटक फाइनल पुगे पनि उपाधिबाट वञ्चित हुँदै आएको नेपालले बङ्गलादेशलाई हराउर्दै फाइनल पुग्ने लक्ष्यका साथ मैदानमा उत्रिएको छ । नेपालले समूह चरणको खेलमा श्रीलङ्का र भुटानलाई पराजित गर्दै सेमिफाइनल यात्रा तय गरेको हो । यता बङ्गलादेशले माल्दिभ्सलाई हराएको थियो भने भारतसँग पराजित भएको थियो । नेपाल र बङ्गलादेशबीचको खेल स्थानीय समयअनुसार ४ः०० सुरु भएको छ ।

प्रकाशित समय : १६:४७ बजे