काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सरकारले पुनर्वासको व्यवस्थाविना नागरिक विस्थापित गर्नुहुँदैन : पूर्ण बस्नेत

1.62K
shares

जनता समाजवादी पार्टी (जसपा) नेपालका नेता पूर्ण बस्नेतले स्थानीय तहले जनताको वस्तीमा डोजर चलाई राज्य आतङ्क मच्चाउने काम गरेको भन्दै उक्त कार्य तत्काल बन्द गरिनुपर्ने माग गरेका छन् । स्थानीय वासिन्दाको वस्ती भत्काउँदा सरकारी निकायबाट अत्यधिक बल प्रयोग भएको भन्दै उक्त कार्यको बस्नेतले निन्दा गरेका छन् ।

बस्नेतले भने, ‘जसको घर भत्काइँदै छ, उस्को घाँटी अठ्याइएको छ, कपाल भुतालिएको छ । ह्रवीलचेयर प्रयोगकर्तालाई हुत्याउने, दृष्टिविहीनमाथि कुटपिटसम्म भएको छ । यस्तो अमानवीय कार्य राज्यले तत्काल रोक्नुपर्छ ।’

आवास मानवअधिकारको आधारभूत हिस्सा भएको भन्दै पुनर्वासको व्यवस्थाबिना सरकारले नागरिक विस्थापित गर्ने कार्य गर्न नहुने उनको भनाइ छ ।

सुकुम्बासी समस्या कानुनी र प्रशासनिक विषय नभई मानव अधिकारसँग जोडिएको विषय भएको भन्दै डोजर आतंक मानव अधिकारको गम्भीर उल्लङ्घन भएको उनको दावी छ ।

सुकुम्बासी समस्या दशकौँदेखि जटिल सामाजिक, आर्थिक र राजनीतिक मुद्दा भएको भन्दै सरकारले विस्थापन अघि सूचना, परामर्श र विकल्प उपलब्ध गराउनुपर्ने उनको धारणा छ ।