विश्व चेस महासङ्घको ‘फिडे वुमेन्स चेस म्याराथन’अन्तर्गतको अफिसियल प्रतियोगिताका रुपमा हुने हिमालयन क्वीन्स ग्याम्बिटमा १०० भन्दा बढी खेलाडीले प्रतिस्पर्धा गर्ने भएको छ ।

आयोजक हिमालयन चेस एकेडेमीकी संस्थापक मोनालिशा खम्बुले, ‘फिडे कमिसन फर वुमेन्स चेससँगको पार्टनरसिपमा मार्चमा विश्वभरि प्रतियोगिता भइरहेको बताए । उनले चेसमा नयाँलाई अवसर दिन अनरेटेड खेलाडीको उत्सवका रुपमा प्रतियोगिता सञ्चालन हुनेछ ।

नेपालमा महिला खेलाडीले मात्रै सहभागी हुन पाउने तेस्रो प्रतियोगिता आयोजनाका लागि एकेडेमीले प्रप्स नेपालसँग सहकार्य गरेको छ । सहकार्य सम्झौतामा एकेडेमीकी संस्थापक खम्बु र प्रप्स नेपालकी प्रमुख दीपा श्रेष्ठले हस्ताक्षर गरे ।

गत वर्ष आयोजित पहिलो संस्करणमा पाँच वर्षदेखि ६७ वर्षसम्मका १४२ अनरेटेड खेलाडीले प्रतिस्पर्धा गरेका थिए । यसपाली शीर्ष आठसँगै यु ७, यु १०, यु १३ यु १६ र ५० वर्षमाथि उमेर समूहका विजेतालाई पनि पुरस्कार दिइनेछ । उत्कृष्ट तीन स्कुल र पाँच खेलाडीलाई स्पेसल अवाड्र्स पनि प्रदान गरिने आयोजकले बताइएको छ ।