काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

दार्चुलामा ‘नो भोट’ अभियान, दुधिला माविमा १० बजेसम्म शून्य मतदान

2.29K
shares

दार्चुला । दार्चुलाको अपिहिमाल गाउँपालिका–३ स्थित दुधिला माविमा १० बजेसम्म शून्य मतदान भएको छ ।

निर्वाचनका लागि कर्मचारी र सुरक्षाकर्मी विहान ७ बजे नै तयार रहेपनि हालसम्म एक जना मतदाता पनि भोट हाल्न नपुगेको दार्चुलाका प्रमुख जिल्ला अधिकारी अनिल पौडेलले बताए ।

सो क्षेत्रमा मतदाताले ‘नो भोट’ अभियान थालेको प्रमुख जिल्ला अधिकारी पौडेलले बताए । दार्चुलाको नौगाड गाउँपालिका–१ को गौरीशंकर आधारभूत विद्यालय नागु र अपिहिमाल गाउँपालिका–३ को दुधिला आधारभूत विद्यालय झुस्कुका मतदाताले मतदान नगर्ने निर्णय गरेका छन् ।

नागुमा बुधबार सुदूरपश्चिम प्रदेश सरकारका मुख्य सचिव बैकुण्ठ अर्याल पुगेर छलफल गरेका थिए । तर स्थानीयले भने यस पटक भोट नहाल्ने जनाएका थिए ।

माघ १ गतेबाटै संघर्ष समिति बनाएर ‘नो भोट’का पक्षमा उभिएका नागुबासीले यस पटकको निर्वाचनमा मतदान नगर्ने निर्णय यथावत राखेको संघर्ष समितिका संयोजक करनसिंह डडालले बताए ।

उनले राजनीतिक दलबाट आफ्ना एजेण्डा पूरा गर्ने ठोस प्रतिक्रिया नआएको र प्रदेश सरकार निर्वाचनको एक दिन अघि मात्रै छलफलका लागि आएकाले मतदान गर्ने अवस्था नआएको प्रक्रिया दिए ।

नागुस्थित गौरीशंकर माध्यमिक विद्यालय मतदान केन्द्रमा ६ सय २ मतदाता रहेका छन् । अपिहिमाल गाउँपालिका–३ का केही बस्तीका बासिन्दाले फागुन १५ गतेबाट नो भोट अभियान चलाएका थिए । सो मतदान केन्द्रमा तीन सय ४६ जना मतदाता रहेका छन् ।