बेलायतस्थित गुल्मी जिल्ला समाजले फरक क्षमता भएकी इस्मा गाउँपालिका–३ की ४२ वर्षीया बीना नेपालीलाई ५० हजार र गुल्मीदरबार गाउँपालिका–५ का २४ वर्षीय रवीन रानालाई पनि त्यति नै नगद प्रदान गरेको छ ।

समाजले अपाङ्गता दिवसका अवसरमा उनीहरूलाई आर्थिक सहयोग गरेको हो । साथै समाजले फरक क्षमताकी नेपालीका निम्ति अपाङ्गमैत्री शौचालय पनि निर्माण गरिदिएको छ ।

यसैगरी, समाजले सत्यवती गाउँपालिका–४ का अशक्त ईश्वर शर्मा, अनुज ज्ञवाली र गुल्मीदरबार गाउँपालिका–५ का नेत्रबहादुर रानालाई पनि जनही ५० हजार प्रदान गरेको छ ।

समाजले बुधबार एक विज्ञप्ति निकालेर सत्यवती बहुमुखी क्याम्पसलाई एक लाख, आशा अपाङ्ग केन्द्रलाई एक लाख, रेडियो पुष्पाञ्जलीलाई ५० हजार र रुरुक्षेत्रमा रहेको अटिजम पाठशालालाई ५० हजार प्रदान गरेको जनाएको छ ।

प्रकाशित समय : १६:३५ बजे