काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

निरन्तरको वर्षाले जलमग्न धनुषा, बजार सुनसान, जनजीवन प्रभावित

2.77K
shares

जनकपुर । हिजो(शुक्रबार) रातिदेखि निरन्तर भइरहेको वर्षाका कारण धनुषाका विभिन्न स्थानहरु जलमग्न भएका छन् ।

जनकपुरधाम, ढल्केवर, महेन्द्रनगरलगायत सहरी क्षेत्रसहित ग्रामिण भेगका गाउँहरु जलमग्न भएका छन् । बजारका अधिकांश पसलहरु बन्द छन् भने चहलपहल पनि सून्य देखिएको छ ।

घुम्न आएका पर्यटकहरुलाई असहज भएको देखिएको छ । जल तथा मौसम विज्ञान विभागले जारी गरेको सूचना अनुसार तीन दिन लगातार पानी पर्ने उल्लेख रहेको छ ।
मधेश प्रदेश सरकार अन्तर्गतको स्वास्थ्य निर्देशनालय सपही, धनुषाले पनि सूचना जारी गरी तीन दिन सर्तक रह्न सम्पूर्ण प्रदेशवासीलाई आग्रह गरेको छ । निर्देशनालयले तीन दिन अतिआवश्यक बाहेक आवत जावत नगर्न समेत आग्रह गरेको छ ।
यता लगातारको अविरल वर्षालाई मध्येनजर गर्दै जनकपुरधाम उपमहानगरपालिका क्षेत्रभित्र रहेका सबै निजी विद्यालयहरू आगामी असोज १९ र २० गते बन्द रहने जनाइएको छ ।

एनप्याब्सनका अध्यक्ष दिपक कुमार ठाकुर र प्याब्सनका अध्यक्ष रबिन्द्र कुमार चौधरीद्वारा जारी विज्ञप्तिमा विद्यार्थी तथा अभिभावकको सुरक्षालाई मध्यनजर गर्दै विद्यालय बन्द गर्ने निर्णय गरिएको उल्लेख गरिएको छ ।