काठमाडौंको सिनामंगलस्थित पञ्चरूपा बचत तथा ऋण सहकारी संस्थाका सञ्चालकहरू विरुद्ध प्रहरीले आपराधिक लाभ, सङ्गठित अपराध र सम्पत्ति शुद्धीकरणको आरोपमा गरेको अनुसन्धान अन्तिम चरणमा पुगेको छ ।

सहकारीका अध्यक्ष पुष्कल रिसालसहित १० जना सञ्चालकविरुद्ध २०८१ भदौ २ गते बचतकर्ताहरूले जाहेरी दिएका थिए । उनीहरूमा उपाध्यक्ष भुवन सापकोटा, सचिव पुरन रावल, कोषाध्यक्ष राकेश जाख्वा, सञ्चालक पुष्पबाबु पाण्डे, धिरेन्द्र बराल, मंगलबहादुर तामाङ, राजकुमार शाह र लेखा संयोजक पुण्यश्वरी प्रजापति रहेका छन् ।

जाहेरीकर्ताहरूले ८८ करोड रुपैयाँ सहकारीका सञ्चालकहरूले अपचलन गरेको आरोप लगाएका छन् । सो सहकारीको सर्भिस काउन्टर पेप्सीकोला र कालिमाटीमा सञ्चालित थियो ।

प्रकाशित समय : १३:२३ बजे