आइसिसी विश्वकप लिग–२ अन्तर्गत एकदिवसीय सिरिजमा घरेलु टिम स्कटल्याण्डले नेदरल्याण्ड्सलाई ३ सय ७० रनको लक्ष्य दिएको छ ।

फोर्थहिल ग्राउन्डमा टस जितेर ब्याटिङ रोजेको स्कटल्याण्डले निर्धारित ५० ओभरमा ६ विकेट गुमाएर ३ सय ६९ रन बनायो ।

उसका लागि ओपनर जर्ज मुन्सेले विस्फोटक ब्याटिङ गरे । उनले १५० बलमा १४ चौका र ११ छक्काको मद्दतमा १९१ रनको पारी खेलेका हुन् । ओडिआईमा मुन्सेको यो करियरकै उच्च स्कोर हो ।

यस्तै, कप्तान म्याथ्यू क्रसले ५९, माइकल लिस्कले अविजित २८, चार्ली टिअरले २३ र ब्रेण्डन म्याकमुलेनले २१ विकेट लिए । नेदरल्याण्ड्सका लागि आर्यन दत्त र माइकल लेभिटले सर्वाधिक दुईरदुई विकेट लिए ।

जारी सिरिजमा स्कटल्याण्ड तेस्रो जितको खोजीमा छ । यस लिग–२ मा उसले १९ म्याच खेल्दा १२ मा जित, ९ मा हार तथा दुई खेलमा अंक बाँडेको छ । स्कटल्याण्ड अहिले तालिकाको तेस्रो स्थानमा छ ।

दोस्रो स्थानमा रहेको नेदरल्याण्ड्सले २३ म्याच खेल्दासम्म १२ मा जित, ९ मा हार तथा दुई खेलमा अंक बाँडेको छ । नेपाल लिग–२ तालिकाको सातौं स्थानमा छ । नेपालले १६ म्याच खेल्दासम्म ९ मा हार, पाँच जित र दुई खेलमा अंक बाँडेको छ ।

प्रकाशित समय : २०:११ बजे