लुम्बिनी प्रदेशसभाको तेस्रो बैठकलाई प्रधानमन्त्रीले संबोधन गर्ने
वि.सं.२०८० फागुन ९ बुधवार १७:१६
shares

प्रधानमन्त्री पुष्पकमल दाहाल ‘प्रचण्ड’ ले लुम्बिनी प्रदेशसभाको तेस्रो बैठकलाई सम्बोधन गर्ने भएका छन् ।
हिउँदे अधिवेशनको १९ गते बस्ने बैठकमा प्रधानमन्त्रीले सम्बोधन गर्ने कार्यक्रम तय भएको हो । बुधबार चौधरी र प्रदेशसभाका सभामुख तुलाराम घर्ती मगरले दाहाललाई सिंहदरबारमा भेटेर निमन्त्रणा दिएका छन् ।
हिउँदे अधिवेशन १८ फागुनबाट सुरु हुने छ । पहिलो दिनको बैठकमा प्रदेशसभामा रहेका सबै दलका नेताहरुले हिउँदे अधिवेशनको शुभकामना दिनेछन् ।
प्रधानमन्त्री दाहालको सम्बोधनसँगै प्रदेशसभामा संवैधानिक आयोगका प्रतिवेदन पेश गर्ने अहिलेसम्मको कार्यसूची रहेको बताइएको छ ।

























