काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

नेपाली सेनाका उपरथी सिग्देल रथीमा बढुवा

5.38K
shares

सरकारले नेपाली सेनाका उपरथी अशोकराज सिग्देललाई रथीमा बढुवा गरेकाे छ ।

आज सिंहदरबारमा बसेको मन्त्रीपरिषद् बैठकले सिग्देललाई रथीमा बढुवा गर्ने निर्णय गरेको सरकारकी प्रवक्ता एवं सञ्चार तथा सूचना प्रविधिमन्त्री रेखा शर्माले जानकारी दिइन् ।

रथीमा बढुवा भएसँगै प्रभुराम शर्मापछि सिग्देल प्रधानसेनापति हुने लगभग निश्चित भएको छ ।

नेपाली सेनाले सैनिक मुख्यालय जङ्गी अड्डाले उपरथी सिग्देललाई रथीमा बढुवा गर्न सिफारिस गरेको थियो । सो सिफारिस रक्षामन्त्री पूर्णबहादुर खड्काले मन्त्रिपरिषद बैठकमा पेस गरेका थिए ।

यसअघि रोलक्रममा रहेका उपरथी तारा ध्वज पाण्डेको उमेर विवाद बाहिर आएपछि उनले राजीनामा दिएका थिए ।

यसैगरी सरकारले खानेपानी तथा महशुल निर्धारण आयोगको रिक्त अध्यक्ष पदमा रुद्रप्रसाद गौतम तथा सदस्यमा यशोदा कार्की र कुलभुषण शर्मालाई नियुक्त गर्ने निर्णय पनि गरेको छ ।

यस्तै, विश्व बैंकबाट प्रादेशिक तथा स्थानीय सडक उद्धार कार्यक्रम पहिलो चरणका लागि प्राप्त सहायता सम्बन्धी वार्ता गर्नका लागि अर्थ मन्त्रालयका सहसचिवको संयोजकत्वमा वार्ता टोली गठन गर्न अख्तियारी दिने निर्णयसमेत भएको छ ।