गृहपृष्ठ मुस्ताङमा हिउँचितुवाको आक्रमण, ७७ च्याङ्ग्रा मरे
मुस्ताङमा हिउँचितुवाको आक्रमण, ७७ च्याङ्ग्रा मरे
उत्तरी मुस्ताङको ढाकमारमा हिउँ चितुवाको आक्रमणबाट झन्डै सय च्याङ्ग्रा मरेका छन् । लोघेकर दामोदरकुण्ड गाउँपालिका–२ मा पर्ने उक्त गाउँमा किसानको गोठमै छिरेर च्याङ्ग्रालाई आक्रमण गरेको हो ।
‘७७ वटा गोठमै मरेका छन् । ३ वटा घाइते छन् । बाँच्ने अवस्था छैन,’ स्थानीय छिरिङ गुरुङले भने, ‘साह्रै ठुलो क्षति भयो ।’ ४ वटा चितुवा एकैपटक छिरेर आक्रमण गरेको उनको भनाई छ ।
स्थानीय मिङ्मर गुरुङको ३० लाखभन्दा बढीको क्षति भएको अनुमान गरिएको छ । तरबार सहितको खोरमा छिरेर आक्रमण गरेको मुस्ताङ प्रहरीले जनाएको छ । गोठमा ८० वटा च्याङ्ग्रा थिए ।
प्रकाशित समय : ११:०५ बजे
