शैक्षिक भ्रमणमा धरान गएको तीनवटा बस ठोक्किएर दुर्घटना हुँदा २२ विद्यार्थी घाइते भएका छन् । शैक्षिक भ्रमणका लागि पूर्वी नवलरासीको हुप्सेकोटबाट गएको गाडीले शुक्रबार साँझ सुनसरीको धरान उपमहानगरपालिका–१३ स्थित कोशी लोकमार्गको धरान–धनकुटा सडकखण्डमा २ वटा बसलाई ठक्कर दिँदा २२ जना विद्यार्थी घाइते भएका छन् ।

गाउँपालिका–४ स्थित जनकल्याण राष्ट्रिय माविबाट शैक्षिक भ्रमणमा गएको उक्त बसको ब्रेक फेल भई शैक्षिक भ्रमणमै म्याग्दीबाट आएको ग २ ख १५८३ र स्याङ्जाबाट आएको ग २ ख १५१३ नम्बरको बसलाई ठक्कर दिएको हो ।

प्रहरीका अनुसार म्याग्दीबाट गएको बसलाई पछाडिबाट ठक्कर दिएपछि अनियन्त्रित भएको नवलपरासीको बसले त्यसअगाडि गुडिरहेको स्याङ्जाको विद्यार्थी बससँग ठोक्किएर दुर्घटना भएको हो।

प्रकाशित समय : १०:५० बजे