लुम्बिनी विकास बैँक लिमिटेड देविघाट शाखाले बैँकको संस्थागत सामाजिक उत्तरदायित्व अन्तर्गत नुवाकोट जिल्लामा अवस्थित विभिन्न विद्यालयहरूमा सहयोग हस्तान्तरण गरेको छ ।

विदुर नगरपालिका वडा नं। ३ अवस्थित श्री रणभुवनेश्वरी माध्यमिक विद्यालयमा अध्ययनरत ५० जना गरिब तथा विपन्न वर्गका विद्यार्थीहरूलाई पोसाक वितरण गरेको हो ।

वडा नं। ५ अवस्थित श्री सहिद जगत प्रकाश जंग शाह संस्कृत माध्यमिक विद्यालयमा बालकक्षाका विद्यार्थीहरूको शारीरिक, मानसिक एवं बौद्धिक विकासका लागि १ थान खेलकुदको सामाग्री वितरण गरेको छ । साथै बेलकोटगढी नगरपालिका वडा नं। ८ अवस्थित श्री कल्याणीदेवी माध्यमिक विद्यालयको लागि १ थान कलर प्रिन्टर सहयोग गरेको छ ।

सो सामाग्रीहरू बैंकको तर्फबाट नायव प्रमुख कार्यकारी अधिकृत सुमन आचार्यले हस्तान्तरण गरे ।

उक्त सहयोग गरेकोमा श्री रणभुवनेश्वरी माध्यमिक विद्यालयका प्रधानाध्यापक रमेश प्रसाद लामिछाने, श्री सहिद जगत प्रकाश जंग शाह संस्कृत माध्यमिक विद्यालयका प्रधानाध्यापक मञ्जु चित्रकार र श्री कल्याणीदेवी माध्यमिक विद्यालयका प्रधानाध्यापक बुद्धि प्रसाद पुडासैनीले लुम्बिनी विकास बैङ्कलाई धेरै–धेरै धन्यवाद व्यक्त गरे ।

उक्त हस्तान्तरण समारोहमा बैकका मुख्य प्रबन्धक दिपक खनाल, वरिष्ठ प्रबन्धक भेषराज गौतम, शाखा प्रमुख रमेश कुमार नेपाल लगायत विद्यालय व्यवस्थापनका पदाधिकारीहरू, विद्यालयका शिक्षक शिक्षिकाहरू, विद्यार्थीहरूको समेत उपस्थिति रहेको थिए ।

लुम्बिनी विकास बैंक लिमिटेडको हाल देशका सातवटै प्रदेशमा गरी ८९ वटा शाखाहरू तथा १ वटा एक्सटेन्सन काउन्टर सञ्चालनमा रहेका छन् । यस लुम्बिनी विकास बैंक लिमिटेडले ‘निरन्तर सहयात्रा ’ भन्ने नाराका साथ आफ्ना ग्राहक महानुभावहरूलाई उच्चस्तरीय, आधुनिक एवं नवीनतम प्रविधिहरू सहितको सुरक्षित बैंकिङ्ग सेवा प्रदान गर्दै आइरहेको छ ।