फिफा महिला विश्वकप फुटबलका सेमिफाइनल खेलहरु आज मंगलबारबाट सुरू हुने भएका छन् । पहिलोपटक महिला बिश्वकपको सेमिफाइनलमा स्थान बनाएको स्पेनले मंगलबार स्वीडेनको सामना गर्दैछ । अहिलेसम्म स्वीडेन एकपटक उपबिजेता र तीनपटक तेश्रो स्थान बनाएको युरोपेली राष्ट्र हो ।

स्वीडेन सन् २००३ मा जर्मनीसँग २–१ ले पराजित हुँदा उपबिजेतामा सीमित बनेको थियो । गत शुक्रबार भएको क्वाटरफाइनलमा जापानमाथि २–१ को जीत निकाल्दै स्वीडेन सेमिफाइनलमा प्रवेश गरेको हो ।

यी दुइ टोलीबीचको सेमीफाइनल खेल नेपाली समय अनुसार दिउँसो पौने २ बजे हुनेछन् ।

अष्ट्रेलिया र इंग्ल्याण्डबीचको सेमिफाइनल खेल भने बुधबार दिउँसो नेपाली समय अनुसार पौने ४ बजे सुरू हुनेछ ।

प्रकाशित समय : ०९:५४ बजे