सरकारले नागरिक उन्मुक्ति पार्टीका संरक्षक रेशम चौधरीलाई संघीय मन्त्री सोसरहको सुविधा दिएको छ । जिल्ला प्रहरी कार्यालय कञ्चनपुर कलवापुरमा कार्यरत असई गौरीशंकर चौधरीलाई प्रहरी प्रधान कार्यालयले रेशमको पीएसओमा खटाएको पाइएको छ ।

उनी सरकारले सुरक्षाको कारण देखाउँदै निजी सुरक्षा गार्ड (पीएसओ) पनि खटाएको छ । पीएसओको सुविधा संघीय मन्त्रीहरुले मात्र पाउने गरेका छन् ।चौधरीको सुरक्षाका लागि सरकारकै निर्देशनमा प्रहरी प्रधान कार्यालयले नेपाल प्रहरीका प्रहरी सहायक निरीक्षक (असई)को प्रहरीको जनाएको छ ।

चौधरीलाई भने संघीयमन्त्रीसरह पीएसओको सुविधा दिइएको छ । यो सरकारकै आदेशमा खटाइएको एक प्रहरी अधिकारी जानकारी दिए ।

प्रदेश मन्त्रीहरूले समेत पीएसओको रूपमा हवल्दार मात्रै सुविधा पाउने व्यवस्था छ । तर, चौधरीलाई भने असईनै पिसिओ खटाउन आदेश आएका कारण पठाएको उनले बताए ।

प्रहरीको असई पिसिओ खटाएको विषयमा उनी र उनको पार्टीले केही प्रतिक्रिया दिन मानेनन् । १५ जेठमा गणतन्त्र दिवसको अवसरमा राष्ट्रपति रामचन्द्र पौडेलले कैद सजाय माफी दिएपछि चौधरी जेलबाट मुक्त भएका थिए । राष्ट्रपतिको उक्त कदमको चौतर्फी विरोधसमेत भएको थियो ।

७ भदौ २०७२ मा टीकापुरमा भएको प्रदर्शन हिंसात्मक झडपमा परिणत हुँदा ८ प्रहरी र एक नाबालकको ज्यान गएको थियो । सोही घटनामा रेशमलाई दोषी ठहर गर्दै आजीवन काराबासको सजाय सुनाएको थियो ।

टीकापुरमा भएको प्रदर्शन हिंसात्मक घटनामा दोषी ठहर भएको चौधरी ६ वर्ष जेल बसेर छुटेका थिए । अहिलेको उनको पार्टी पनि सरकारमा सहभागि छ ।

प्रकाशित समय : १५:२८ बजे