‘अखण्ड भारत’को नक्साबारे बिहिबार नेपाली काँग्रेसका महामन्त्री गगन थापा बोले । गगनले ‘अखण्ड भारत’ झैं नेपालले पनि आफ्नो सांस्कृतिक नक्सा जारी गर्नुपर्ने विचार राखे ।

त्यसको केही समयमै काठमाडौंका मेयर बालेन शाहले आफ्नो कार्यकक्षमै ग्रेटर नेपालको नक्सै टाँसेको तस्बीर सार्वजनिक भयो । यो विषयले अहिले देशभर चर्चा पाएको छ । अधिकांशले बालेनको कदमलाई समर्थन जनाएका छन् ।

तर त्यहीदिन भारतले अखण्ड भारतबाट जवाफ दिँदै नेपालले कुरा बुझेको बताएको छ । यतिखेर नेपालमा

अखण्ड भारतकै जस्तो ‘ग्रेटर नेपाल’ नक्सा बनाएर राख्नुपर्छ भन्ने मत जब्बर बन्दैछ । टिष्टा काँगडासम्म सुगौली सन्धिपूर्व फैलिएको नेपाली सिमाना फिर्ता ल्याउनुपर्छ भन्ने यो मागको तार्किक जग जस्तोसुकै भए पनि आम मानिसमा भने लोकप्रिय बनिरहेको छ ।

यसअघि १८ जेठमा धरानका मेयर हर्क साम्पाङले पनि टिष्टा र काँगडासम्मको नक्सा बनाउनुपर्ने धारणा राखेका थिए । बिहिबार बालेनले कार्यकक्षमै नक्सा राखेपछि हर्कले पनि ग्रेटर नेपालको नक्सा आफ्नो कार्यकक्षमा राख्ने सामाजिक सञ्जालमार्फत सार्वजनिक गरेका छन् ।

अखण्ड भारतमा नेपालका केही भू–भाग समेटिएपछि त्यसको काउण्टर दिन नेपालमा पनि ग्रेटर नेपालको बहस छेडिएको छ । यसलाई टिट फर ट्यागका रुपमा बुझिएको छ ।

प्रकाशित समय : ०८:१७ बजे