गृहपृष्ठ शिवम् सिमेन्टकाे ‘शिवम्सँग उपहार टन्न’ योजना सार्वजनिक
शिवम् सिमेन्टकाे ‘शिवम्सँग उपहार टन्न’ योजना सार्वजनिक
शिवम् सिमेन्टले ‘शिवम्सँग उपहार टन्न’ नामक उपहार योजना सार्वजनिक गरेको छ । यस योजनाअन्तर्गत अब प्रत्येक २० बोरा शिवम् सिमेन्टको खरिदमा ग्राहकले एउटा हातखाली नहुने स्क्र्याच कुपन पाउने छन् ।
उक्त कुपन स्क्र्याच गरी २०० देखि ५०० रुपैयाँसम्मको नगद वा १५ ग्राम चाँदीको सिक्का वा २.५० ग्रामदेखि ५ ग्रामसम्मको सुनको सिक्का वा सुनको सिक्री पक्का उपहार जित्न सक्ने कम्पनीले जनाएकाे छ । सोही कुपनको आधारमा ग्राहकले मासिक लक्की ड्र तथा मेगा लक्की ड्रमा समेत गरी एउटै कुपनबाट ३ पटकसम्म उपहार जित्ने मौका पाउनेछन् ।
यसअनुसार हरेक महिनाको लक्की-ड्रमार्फत पहिलो पुरस्कार २ जोडी भाग्यशाली ग्राहकहरुलाई थाइल्यान्ड भ्रमण, दोस्रो पुरस्कार ४ जोडी विजेतालाई हेलिटुर, तेस्रो पुरस्कार ६ जनालाई आधा केजी चाँदी, चौथो पुरस्कार ८ जनालाई हिराको औंठी तथा पाँचौं पुरस्कार १० जोडीलाई माउन्टेन फ्लाइट लक्की ड्रमार्फत प्रदान गरिने छ ।
अन्तिम महिनामा प्राप्त कुपनहरु मसिक लक्की ड्रमा समावेश नभइ मेघा लक्की ड्रमा मात्र समावेश गरिने छ । मासिक लक्की ड्रमा समावेश भएको तर उपहार जित्न नसकेको कुपन योजनाअन्तर्गतको अन्तिम महिनाको कुपनसँगै मेगा लक्की ड्रमा पुनः समावेश हुनेछ भने मेगा लक्की ड्रमार्फत २ जना ग्राहकहरुले ५ तोला सुन, ४ जनाले ३ तोला सुन, ६ जनाले २ तोला सुन, ८ जनाले १ तोला सुन र १० जनाले आधा तोला सुन उपहारमा जित्न सक्ने शिवम् सिमेन्टले जनाएको छ ।
लक्की ड्रको कुपनमा उल्लेखित विवरण र मोबाइल नम्बरको आधारमा विजेता घोषणा गरिने र सोही आधारमा ग्राहकले उपहार दाबी गर्नुपर्ने कम्पनीले जानकारी गराएको छ । कम्पनीका अनुसार यो उपहार योजना २०७९ मंसिर १८ देखि नेपालभर लागू गरिएको छ ।
प्रकाशित समय : १४:२८ बजे
