काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

मतदाताले विवेक पुर्‍याउन्

12.24K
shares

संसदीय लोकतन्त्रको सबैभन्दा सुन्दर पक्ष हो, निर्वाचन । किनकी निर्वाचनको माध्यमबाट कस्तो उम्मेदवार छान्ने भन्ने अधिकार मतदाताले प्राप्त गर्छन् । मतदातालाई रिझाउन उम्मेदवारले जनहितका लागि विवेकपूर्ण काम गर्छन् भन्ने मान्यता राख्छ, संसदीय निर्वाचनले ।

आगामी मंसिर ४ को निर्वाचन पनि संसदीय राजनीतिको एउटा अनुपम उदाहरण हो । जनताले आफ्नो प्रतिनिधि छनौट गर्ने महत्वपूर्ण अवसर पनि हो । तर यहाँनिर बुझ्नुपर्ने कुरा के हो भने मतदाताले केवल केही थान जस्तोसुकै जनप्रतिनिधि छान्नुलाई निर्वाचन भनिदैन । मतदाताले केवल आफ्नो विवेक प्रयोग गरेर जनहितका लागिमात्र काम गर्न सक्ने विवेकवान जनप्रतिनिधि छनौट गर्ने अवसर पनि हो, निर्वाचन । यदि मतदाताले क्षणिक लोभ, आकर्षण र भ्रममा परेर भ्रष्ट, अयोग्य र जनहित विरोधीहरूलाई सत्तामा पुर्‍याएर उल्टै उनीहरुलाई हौस्याउने कार्य गरे भने त्यसको असर मतदाता र उसको परिवारका साथै मुलुकलाई पनि ठूलो क्षति पुग्न जान्छ । विगतका निर्वाचनहरुलाई हेर्दा केही अपवाद छाड्ने हो भने राजनीतिलाई अपार पैसा कुम्ल्याउने हतियारमात्र बनाउन खोजेकाहरु निर्वाचित भएरै राजनीतिक शक्तिमा पुगेका छन् । प्रधानमन्त्री, मुख्यमन्त्री, मन्त्री, सभासद भएका छन् ।

राजनीतिक आड लिएर राज्यदोहन गर्न पल्किएकाहरुको ठूलो पंक्ति यसपटकको निर्वाचनमा पनि देखिएको छ । न त जनआधार, न त नैतिक बल भएकाहरुको ठूलो लर्को यसपटकको निर्वाचनमा देखिन्छ । यो निकै निराशाजनक कुरा हो । गठबन्धनको नाममा जनताको मतको हुर्मत लिएर भए पनि सत्ताको केन्द्रमा जसरी पनि पुग्नै पर्ने उनीहरुको अभिष्टभित्र कहीँ कतै जनहितको सवाल प्रधान हुँदैन ।

गाजलको कोठा भनिइने सत्ताबाट बेदाग भएर निस्किएका राजनीतिक प्राणी हामी औंलामा मात्र गन्न सक्ने स्थितिमा छौं । अधिकांश सत्ताको रमरममा रमाएर बिटुलिएका अनुहारहरूलाई हामीले यसपटकको निर्वाचनमा पनि देख्दैछौं । कतै हामी मतदाताले नै उनीहरुलाई ‘सुन-पानी’ छर्किएर शुद्धीकरण गरिरहेका त छैनौ ? हामीले हेक्का राख्नुपर्ने कुरा यही हो । यदि हामी यसमा चुक्यौँ भने नेपाली राजनीति र नेपालका हाम्रा राजनीतिकर्मीमाथि औंला उठाउनुको नैतिक आधार हामी आफैँले कमजोर बनाउने छौं । किनकी संसदीय लोकतन्त्रमा जुन उद्देश्यका लागि निर्वाचनको प्रावधान राखिएको छ, त्यसमा निर्वाचित हुने र निर्वाचित गर्ने दुवै उत्तिकै जिम्मेवार मानिन्छन् । हामी जस्तो छौं निर्वाचित भएर आउने हाम्रा जनप्रतिनिधि पनि त्यस्तै आउने हुन् ।

२०७९ सालको यो निर्वाचनमा केहीलाई छाडेर अधिकांश दलहरु सबै सत्ताको केन्द्रमा बसेर आफ्नो रुप देखाइसकेकाहरु नै हुन् । आम जनतालाई राजनीतिबाट निराश तुल्याउने र समग्र बेथितिका बाहक पनि तिनै दल र तिनका नेताहरु नै हुन् । बिडम्बना नै मान्नुपर्छ, गठबन्धनको हतियार उठाएर यसपटकको निर्वाचनमा पनि उनीहरु हावी हुँदैछन् । २०४६ सालको जनआन्दोलनदेखि अहिलेसम्मको तीन दशक लामो यात्रामा कुशासनका खलनायक भनेर चिनिएकाहरु नै अबका केही दिन जनताको घरदैलोमा हात जोडेर मत मागिरहेको दृश्य आमरुपमा देखिने छन् । फेरि उही गुलिया आश्वासन, पूरा नहुने सपना र आर्थिक प्रलोभन नै उनीहरुले मतदातासमक्ष बाँड्ने हुन् ।

यसपटकको निर्वाचनको माध्यमबाट आगामी सत्ता, सरकारको नवीकरणमात्र गर्ने कि नेपाली राजनीतिका खलपात्रहरुलाई एउटा गतिलो पाठ पढाउने ? २०७९ को निर्वाचनमा नेपाली जनताले जस्तो विवेक प्रयोग गर्नेछन् आगामी नेपालको चित्र र चरित्र पनि त्यस्तै हुनेछ ।