nmb bank

गृहपृष्ठ १७ संस्थालाई कर बुझाउन काठमाडौं महानगरको दश दिने अल्टिमेटम

१७ संस्थालाई कर बुझाउन काठमाडौं महानगरको दश दिने अल्टिमेटम

१७ संस्थालाई कर बुझाउन काठमाडौं महानगरको दश दिने अल्टिमेटम

काठमाडौं महानगरपालिकाले १७ वटा विभिन्न संस्थालाई कर बुझाउन दश दिने अल्टिमेटम दिएको छ ।

महानगरपालिकाको राजस्व विभागले मंगलबार १७ वटा विभिन्न संस्थालाई पत्र लेख्दै कर बुझाउन अल्टिमेटम दिएको हो । सम्पत्ति कर नबुझाएको भन्दै महानगरले पटकपटक ताकेता गर्दा पनि कर नबुझाएको महानगरको भनाइ छ ।

उनका अनुसार पत्र प्रप्त भएको दश दिनभित्र विवरणसहित सम्बन्धित वडा कार्यालयमा कर बुझाउन ताकेता गरिएको हो ।

महानगरले खाद्य संस्थान, थापाथली, हाइट फिल स्कूल–नयाँबजार, रञ्जना ट्रेड सेन्टर–न्युरोड, साझा भण्डार–भोटाहिटी, राष्ट्रिय नाचघर–जमल, चेम्बर अफ कमर्स–जमल, कर्मचारी सञ्चय कोष–ठमेल, नेपाल विद्युत प्राधिकरण–रत्नपार्क र नेसनल ट्रेडिङ लिमिटेड–सिंहदरबारलाई पत्र लेखेको हो ।

यस्तै, महानगरले नेपाली जामे मस्जिद–बागबजार, कृषि सामग्री संस्थान–टेकु, मनमोहन मेमोरियल कलेज एण्ड शिक्षण अस्पताल–स्वयम्भू, आरबि कम्प्लेक्स–न्युरोड, काठमाडौं प्लाजा–पुतलीसडक, नेपाल सेयर मार्केट–पुतलीसडक, सिविक हस्पिटल प्रालि र डेन्टल कलेज–सामाखुसीलाई पनि पत्र लेखेको छ।

यी संस्थाले कर नबुझाए महानगरपालिकाको राजस्व ऐन, २०७५ बमोजिम कारबाही गर्ने चेतावनी दिएको छ ।

प्रकाशित समय : ०९:४३ बजे

प्रतिक्रिया दिनुहोस्

सम्बन्धित शीर्षकहरु