परराष्ट्रमन्त्री खनालसँग फ्रान्सका नवनियुक्त राजदूत पुइगिन्जाको भेट
२१.९७ अंकले घट्यो नेप्से, सबै उपसूचक राताम्य
वि.सं.२०७९ भदौ १५ बुधवार १५:३१
11.36K
shares
shares
नेपाल स्टक एक्सचेञ्ज (नेप्से)मा २१.९७ अंकको गिरावट आएको छ । नेप्से १.१० प्रतिशत घट्दै समग्र परिसूचक १९७३.३८ अंकमा आइपुगेको छ ।
सेन्सेटिभ परिसूचक पनि ४.३६ अंकले घटेर ३८४.५९ अंकमा आइपुगेको छ । आज १ अर्ब १२ करोड ६२ लाख १७ हजार रुपैयाँ बराबरको २९ लाख ९२ हजार ८७३ कित्ता सेयर किनबेच भएको छ ।
मंगलबार नेप्से २.३३ अंकले बढेर १९९५.३४ को बिन्दुमा कायम भएको थियाे । त्यस दिन १ अर्ब १ करोड ९५ लाख रुपैयाँको सेयर कारोबार हुँदा २२६ कम्पनीको २९ लाख १४ हजार ५०५ कित्ता सेयर खरिदबिक्री भएका थिए ।
नेप्सेमा आज कारोबार भएको सबै १३ वटै समूहकाे सूचक राताम्य भएका छन् । जीवन बिमा समूहमा १३७.४४ अंकको गिरावट आएको छ भने लघुवित्त समूह ६६ अंकले घटेको छ । यस्तै, विकास बैंक समूह ६५ अंक, उत्पादनमूलक समूह ५०, जलविद्युत ४९ अंक, होटल र टुरिज्म समूह ३६ अंकले घटेको छ ।
