सरकारले पेट्रोलियम पदार्थबाट सञ्चालन हुने सवारी साधनको आयात रोकेपछि विद्युतीय गाडीको आयात वृद्धि भएको छ । चालू आवको पहिलो महिनामै २११ वटा विद्युतीय गाडी भित्रिएका छन् । सरकारले पहिलो महिनामा २१ करोड विद्युतीय गाडीबाट भन्सार उठाएको छ ।

अघिल्लो वर्षको साउनमा १०५ वटा मात्रै विद्युतीय गाडी आयात भएको थियो । अघिल्लो आर्थिक वर्षमा १८ सय भन्दा धेरै विद्युतीय गाडी आयात भएको थियो ।

चालू आवको पहिलो महिनामा मोटरसाइकलको आयात पनि घटेको छ । पहिलो महिनामा १८ हजार ७ सय २४ मोटरसाइकल तथा स्कुटर आयात भएका छन् ।

अघिल्लो आवको सोही अवधिमा ३० हजार ८ सय २१ वटा मोटरसाइकल तथा स्कुटर आयात भएको थियो । यस अवधिमा कूल एक खर्ब ४६ अर्ब नौ करोड ५७ लाख बराबरको वैदेशिक व्यापार भएको छ ।

प्रकाशित समय : ०७:०१ बजे