पार्टी र सरकारबीच समन्वयको अभाव छैनः सभापति लामिछाने
दोहोरो अंकले घट्यो नेप्से, २ अर्ब ७३ करोडको कारोबार
वि.सं.२०७९ साउन ३१ मंगलवार १५:४६
9.72K
shares
shares
अघिल्लो दिन ५५ अंकले बढेको सेयर बजारमा दोस्रो दिन पुन: २४ अंकको गिरावट आएको छ । नेपाल स्टक एक्सचेन्जका अनुसार यस दिन नेप्से सूचक २४.८३ अंकले घट्दै २०४१.०६ अंकमा झरेको हो ।
सेन्सेटिभ इन्डेक्स ३.७५ अंकले घटेर ३९४.३९ अंकमा झरेको छ । १३ वटा उपसूचकमध्ये आज सबै उपसूचक ऋणात्मक (नेगेटिभ) भएका छन् । यद्यपि, कारोबार भने २ अर्ब ७३ करोड ४८ लाख रुपैयाँ बराबरको भएको छ ।
यस दिन सबैभन्दा बढी हाइड्रोपावर समूहको उपसूचक ३.१८ प्रतिशतले घटेको छ भने डेभलपमेन्ट बैंक समूहको उपसूचक २.६८ प्रतिशतले, फाइनान्स समूहको उपसूचक २.६२ प्रतिशतले, ट्रेडिङ समूहको उपसूचक १.७७ प्रतिशतले, निर्जीबन बिमा समूहको उपसूचक १.७१ प्रतिशतले घटेकाे छ ।
त्यसैगरी, इन्भेष्टमेन्ट समूहको उपसूचक १.५५ प्रतिशतले माइक्रोफाइनान्स समूहको उपसूचक १.२७ प्रतिशतले र म्यानु एण्ड प्रो समूहको उपसूचक १.९ प्रतिशतले घटेको छ । अन्य समूहको उपसूचक भने आज ०.७ प्रतिशतले मात्र घटेको छ ।
