मोरङको केरौन १३२ केभी सबस्टेसन निर्माण सम्पन्न, विद्युत् आपूर्ति भरपर्दो हुने, चुहावट घट्ने
नक्कली खुट्टाभित्र लुकाइएको बम विस्फोटद्वारा अफगान धार्मिक नेताको हत्या
वि.सं.२०७९ साउन २७ शुक्रवार १५:३६
9.43K
shares
shares
अफगानिस्तानको राजधानी काबुलमा भएको बम आक्रमणमा एकजना धार्मिक नेता मारिएका छन् ।
तालिवानलाई समर्थन गर्दै आएका र ‘महिलालाई पनि शिक्षा दिनुपर्छ’ भन्ने विचारका पक्षपाती रहेका धार्मिक नेता शेख रहिमुल्लाह हक्कानीको आत्मघाती बम आक्रमणमा ज्यान गएको हो । तालिवान सुत्रहरूले एकजना पुरुषले कृत्रिम प्लास्टिकको खुट्टा भित्र लुकाइएको बम विस्फोट गराउँदा उनको ज्यान गएको अन्तर्राष्ट्रिय समाचार संस्था रोयटर्सलाई बताएका छन् ।
काबुलस्थित एउटा इस्लामिक पाठशालामा हक्कानी उपस्थित रहेको बेला आक्रमण गरिएको हो । हक्कानी आईएससँग आबद्ध जिहादी लडाकु समूह इस्लामिक स्टेट कोरासान प्रान्त (आईएस-के)का कट्टर विरोधी रहँदै आएका थिए ।
आईएसले तालिवान सरकारको विरोध गर्दै आइरहेको छ । एकजना वरिष्ठ तालिवान अधिकारीले घटनाबारे गम्भीर अनुसन्धान भइरहेको बताएका छन् ।
यस हत्याका जिम्मेवार यकिन भइसकेको छैन । तर, हक्कानीमाथि यसअघि पनि इस्लामिक स्टेट (आईएस) समूहले आक्रमण गरिसकेको छ ।
