जलाशययुक्त आयोजनामा लगानी तथा प्रविधिमा सहकार्य गर्न अन्तर्राष्ट्रिय समुुदाय समक्ष इप्पान अध्यक्ष डाँगीको आह्वान
सिभिल बैंकका ग्राहकलाई ४० वटा कम्पनीमा छुट (सूचीसहित)
वि.सं.२०७९ साउन १५ आइतवार १९:२६
9.91K
shares
shares
सिभिल बैंकले विभिन्न ४० वटा कम्पनीको सेवामा आफ्ना ग्राहकहरुको लागि छुटको व्यवस्था गरेकाे छ । बैंकले हालसम्म आफ्ना ग्राहकलाई अस्पताल, रेष्टुरेन्टदेखि लिएर ब्युटी पार्लरसम्म छुटको व्यवस्था गरेको जानकारी दिएको छ ।
बैंकको विद्युतिय भुक्तानी प्रणाली ‘सिभिल स्मार्ट’ अथवा एटीएम कार्डको प्रयोग गरी भुक्तानी गर्दा ग्राहकलाई सो स्थानहरुमा छुटको व्यवस्था हुनेछ । कारोबार नगदरहित बनाउन विभिन्न कम्पनीसँग सम्झौता गरेको बैंकले जनाएको छ । यसका साथै, आगामी दिनहरुमा यसको अन्य संघ संस्थाहरुसँग पनि सम्झौता गरिने योजना रहेको बैंकका चिफ बिजनेस डिपोजिट तथा ट्रान्जेक्सन बैंकिङ भोला बहादुर विष्टले बताए ।
करिब आठ लाख ग्राहकलाई ११५ शाखामार्फत सेवा प्रदान गरिरहेको सिभिल बैंकको हालसम्म १३ एक्सटेन्सन काउन्टर र ९९ एटीएम रहेका छन् । बैंकले गत असार मसान्तसम्म ९६ अर्बभन्दा बढी निक्षेप परिचालन गरी ८७ अर्बभन्दा बढी कर्जा लगानी गरिसकेको छ ।
