नोवल कोरोनाभाइरस (कोभिड १९) संक्रमित मृत्यु हुने दर निरन्तर ओरालो लागेको छ । विश्वभर बुधबार बिहानसम्ममा १ करोड ६८ लाख ८३ हजार कोरोना संक्रमित भेटिएकोमा ६ लाख ६२ हजार ४८० जनाको मृत्यु भएको छ । कुल संक्रमितको तुलनामा यो ३.९२ प्रतिशत हो ।

त्यस्तै एक करोड ४ लाख ५० हजार मानिस उपचारपछि घर फर्किएका छन् । यो संख्या कुल संक्रमितको ६१.९ प्रतिशत हो । तीन साताको अवधि कोरोना संक्रमित निको हुने दर ८ प्रतिशतले बढेको छ । असार २३ गते ५४.३९ प्रतिशत संक्रमित निको भएकोमा बुधबार बढेर करिब ६२ प्रतिशत पुगेको हो ।

कोरोनाबाट मृत्यु हुने दर पनि असार २३ गते ४.६१ प्रतिशत रहेकोमा साउन १४ गते ३.९२ प्रतिशतमा झरेको हो ।

कोरोना संक्रमण फैलावट र मृतकको संख्या भने कम भएको छैन । बितेका २४ घण्टामा करिब अढाई लाख संक्रमित थपिएका छन् भने ५ हजार ५६७ जनाको मृत्यु भएको छ । अमेरिकामा ६४ हजार, भारतमा ४९ हजार र ब्राजिलमा ४१ हजार संक्रमति थपिएका छन् । त्यस्तै अमेरिकामा सर्वाधिक एक हजार २४५, ब्राजिलमा ९५५ र भारतमा ७७६ जनाको यो अवधिमा मृत्यु भएको छ ।

यससँगै अमेरिकामा सबैभन्दा धेरै एक लाख ५२ हजार ३२०, ब्राजिलमा ८८ हजार ६३४, बेलायतमा ४५ हजार ८७८, मेक्सिकोमा ४४ हजार २२, इटालीमा ३५ हजार १२३ र भारतमा ३४ हजार २२४ जनाले ज्यान गुमाएका छन् ।

हालसम्म अमेरिकामा ४४ लाख ९८ हजार, ब्राजिलमा २४ लाख ८४ हजार, भारतमा १५ लाख ३२ हजार र रुसमा ८ लाख २३ हजार संक्रमित फेलापरेको वर्ल्डोमिटरले जनाएको छ । निको भएर घर फर्किने अमेरिकामा २१ लाख ८५ हजार, ब्राजिलमा १७ लाख २१ हजार र ९ लाख ८८ हजार छन् । उपचारको दर अमेरिकामा ४८.५९, ब्राजिलमा ६९.२९, भारतमा ६४.५४ र रुसमा ७४.३४ प्रतिशत छ ।

प्रकाशित समय : १३:२९ बजे