कोभिड–१९ खोप विकास कार्यक्रममा ‘अग्रणी भूमिका’ रहेको चीनले यस वर्षको अन्त्यसम्ममा कम्तीमा ६१ करोड कोभिड–१९ विरुद्धको खोप उत्पादन गर्ने दाबी गरेको छ । विश्वभर विभिन्न नौ खोप परीक्षणको अन्तिम चरणमा छन्, जसमध्ये चीनद्वारा उत्पादित विभिन्न चार वटा कोरोनाभाइरस खोप विकास तीव्र रूपमा अघि बढेको छ ।

विश्वभरका वैज्ञानिकहरूले घातक सङ्क्रमण विरोधी अभियानलाई अघि बढाउने क्रममा विश्वभर दर्जनौँ खोपहरूको परीक्षणले महामारीबाट मुक्ति पाउने आशासहित विश्वले पर्खिरहेको छ । विश्वव्यापी महामारी निम्त्याएको कोभिड–१९ संक्रमितमध्ये करिब १० लाख मानिसको मृत्यु भइसकेको छ ।

चिनियाँ स्वास्थ्य अधिकारीहरूले शुक्रबार पत्रकार सम्मेलन गर्दै सञ्चारकर्मीसँग भने, ‘चीनले यो वर्षको अन्त्यसम्म कोभिड–१९ विरुद्धको करिब ६१ करोड मात्रा उत्पादन गर्ने विश्वास राखेको छ । खोपको उत्पादनको वार्षिक उत्पादन क्षमता अर्को वर्षसम्म कम्तीमा एक अर्ब डोजमा पुग्नेछ ।’

विज्ञान तथा प्रविधि मन्त्रालयका वु युआनबिनले भने, ‘चीनले ११ वटा खोपको क्लिनिकल परीक्षणमा प्रवेश गरिसकेको र सहज रूपमा प्रगति भइरहेको छ ।’ चीनको कोभिड–१९ खोप अनुसन्धान र विकास कार्य समग्रमा अग्रणी स्थितिमा रहेको उनले बताए ।

चीनले जुलाईदेखि कन्दरगाह, अस्पताल र अति जोखिम रहेका सयौँ हजार व्यक्ति (स्वयंसेवक) मा परीक्षण गरिरहेको र खोप परीक्षणले विश्व स्वास्थ्य संगठनबाट सहयोग पाइरहेको जनाएको छ । चीनमा उत्पादिन खोप आम जनताको पहुँचका लागि सस्तो हुने उनले जनाए । (रासस)

प्रकाशित समय : ००:५१ बजे