कोरोना भाइरसको संक्रमण दैनिक बढिरहेको छ । आज १७७ जनामा संक्रमण पुष्टि भएको छ । सोमबार १६८ मा संक्रमण देखिएको थियो ।

स्वास्थ्य तथा जनसंख्या मन्त्रालयले जारी गरेको बुलेटिनका अनुसार तीन हजार १२६ परीक्षण गर्दा आज सो संख्यामा  संक्रमण देखिएको छ । सक्रिय संक्रमितको संख्या ८७३ रहेको छ । सो अवधिमा ४१ संक्रमणमुक्त भएका छन् ।

योसँगै संक्रमणमुक्त हुनेको संख्या नौ लाख ६७ हजार ७६५ पुगेको छ । यो दर ९८.७ प्रतिशत रहेको मन्त्रालयले जनाएको छ । शून्य संक्रमित भएका जिल्ला १५ रहेका छन् । 

संक्रमितमध्ये होम आइसोलेसनमा ८५३, संस्थागत आइसोलेसनमा २० रहेका छन् । सघन उपचार कक्ष (आइसीयू) मा  ११ र भेन्टिलेटरमा एक जनाको उपचार भइरहेको छ । 

प्रकाशित समय : २१:५० बजे