नेपाल आयल निगमले पेट्रोलियम पदार्थको मूल्य बढाएको छ । सोमबार राति १२ बजेदेखि लागु हुने गरी निगमले पेट्रोल, डिजेल, मट्टितेल र हवाई इन्धनको मूल्य बढाएको हो । 

निगमले पेट्रोलमा २ रुपैयाँ, डिजेल तथा मट्टितेलमा ९ रुपैयाँ र हवाई इन्धन आन्तरिकमा पाँच रुपैयाँ बढाएको हो । 

निगमद्वारा जारी विज्ञप्तिअनुसार नयाँ मूल्यसँगै अब काठमाडौँ उपत्यकामा पेट्रोल १८१ रुपैयाँ, डिजेल र मट्टितेल १७२ रुपैयाँ पर्ने छ । हवाई इन्धन आन्तरिकको मूल्य १९० रुपैयाँ प्रतिलिटर पर्ने छ । 

एलपी ग्याँसको भने यथावत एक हजार ८०० रुपैयाँ छ । 

यसअघि असार ११ गते मात्र निगमले पेट्रोलमा २० रुपैयाँ र डिजेल तथा मट्टितेलमा २९ रुपैयाँ घटाएको थियो । 

प्रकाशित समय : ०३:०६ बजे