नेपाल स्टक एक्सचेञ्ज (नेप्से)मा आज दोहोरो अंकको गिरावट आएको छ । आज नेप्से ११.८२ अंकले घटेर एक हजार ९२१.३१ बिन्दुमा पुगेको छ । क वर्गका कम्पनीको कारोबार मापन गर्ने सेन्सिटिभ सूचक पनि आज ३.२२ अंकले झरेको छ । 

२३० कम्पनीको सेयर कारोबार भएको दिन ३० लाख ३७ हजार ६८० कित्ता किनबेच भएको छ । नेप्सेका अनुसार २३ हजार १३३ पटकको कारोबारमा १ अर्ब ५ करोड ८२ लाख ६३ हजार ५२२ रुपैयाँको सेयर खरिदबिक्री भएको हो । 

कारोबारका आधारमा एसियन लाइफ इन्स्योरेन्स कम्पनी शीर्ष स्थानमा छ । कम्पनीको ७ करोड ३१ लाख बढीको कारोबार भएको हो । यस्तै, लाइफ इन्स्योरेन्स कर्पोरेसन नेपालको पनि ५ करोड ४३ लाख बढीको सेयर किनबेच भएको छ । कारोबारमा आएका १३ उपसमूहमध्ये अधिकांश उपसमूह घटेका छन् । तर, जीवन बिमा र वाणिज्य बैंक उपसमूह भने बढेको छ । 

म्युचुअल फन्ड उपसमूह १.०३ अंकले बढेको हो । जीवन बिमा उपसमूहअन्तर्गत ठुलो चुक्ता पुँजी भएका चारवटा कम्पनीको सेयर मूल्य बढ्दा यो उपसमूह बढेको हो । 

यस्तै, उन्नति सहकार्य लघुवित्त वित्तीय संस्थाको सेयरमूल्य ७.७४ प्रतिशत, कृषि विकास बैंक, सनराइज फष्ट म्युचुअल फन्ड पनि ५ प्रतिशतभन्दा धेरैले बढेका छन् । 

लक्ष्मी इक्टि फन्डले ५.७३ र जनरल इन्स्योरेन्स कम्पनी, सिंगटी हाइड्रोलगायत ९ कम्पनीले करिब ४ प्रतिशत गुमाएका छन् । 

प्रकाशित समय : २२:२२ बजे