वेल्सका कप्तान तथा फरवार्ड ग्यारेथ बेल अमेरिकाको एमएलएस क्लब लस एन्जलस एफसीमा अनुबन्धित भएका छन् । ३२ वर्षीय बेल स्पेनिस क्लब रियल मड्रिडमा ९ वर्ष बिताएर अमेरिका गएका हुन् ।

एमएलएस क्लबले यसबारे सोमबार औपचारिक रुपमा जानकारी गराएकाे छ । लस एन्जलसले बेललाई फ्री ट्रान्सफरमा अनुबन्ध गरेको हो । बेलले क्लबसँग एक वर्षको सम्झौता गरेको लस एन्जलसले जनाएको छ ।

उनी सन् २०१३ मा ८० मिलियन पाउण्डमा टोटेनहमबाट रियल आएको थिए । रियलका लागि उनले २ सय ५८ खेलमा १ सय ६ गोल गर्नुका साथै ६७ गोलमा असिस्ट गरेका छन् ।

प्रकाशित समय : १५:२५ बजे