सेयर कारोबारका लागि खोलिने हितग्राही खाता अर्थात् डिक्याट खोल्नेको संख्या ५१ लाख नाघेको छ । 

नेपाल धितोपत्र बोर्डले वार्षिक उत्सवको अवसरमा बुधबार दिएको जानकारीअनुसार जेठको १६ गतेसम्म ५१ लाख ५० हजार जनाले डिम्याट खाता खोलेका छन् । 

यस्तै, वैशाख मसान्तसम्ममा मेरो सेयर खाता खोल्नेको संख्या ४२ लाख ६४ हजार तथा सेयर कारोबारका लागि अनलाइन सेवा लिनेको संख्या १४ लाख ३९ हजार जना पुगेको छ । 

यसैगरी चालु आर्थिक वर्षमा सेयर कारोबारबाट सरकारले ११ अर्ब रुपैयाँभन्दा धेरै पुँजीगत लाभकर असुल गरेको छ । धितोपत्र बोर्डका अनुसार जेठ १७ गतेसम्म सरकारले ११ अर्ब तीन करोड २६ लाख रुपैयाँ पुँजीगत लाभकर संकलन गरेको हो । 

सरकारले दोस्रो बजारको सेयर कारोबारमा समयका आधारमा साढे सात प्रतिशत र पाँच प्रतिशत लाभकर लिने गरेको छ ।

प्रकाशित समय : २०:३२ बजे