नेपाल प्रहरी र सशस्त्र प्रहरी बल नेपालका प्रहरी महानिरीक्षक (आइजीपी)लाई दर्ज्यानी चिह्न प्रदान गरिएको छ । गृह मन्त्रालयमा सोमबार बिहान आयोजित एक कार्यक्रमबीच नेपाल प्रहरीका नवनियुक्त आइजीपी धीरजप्रताप सिंह र सशस्त्र प्रहरी बल नेपालका महानिरीक्षक राजु अर्याललाई दर्ज्यानी चिह्न प्रदान गरिएको हो ।

गृह मन्त्रालयका सचिव टेकनारायण पाण्डेले दर्ज्यानी चिह्न लगाइदिएका हुन् । सरकारले आइतबार सिंहलाई महानिरीक्षकमा बढुवा गरेको थियो । आइजीपीको दावेदारमा रहेका एआइजी विश्वराज पोखरेल, सहकुल थापा, धीरजप्रताप सिंह र रविन्द्र धानुकमध्ये सरकारले सिंहलाई बढुवा गरेको हो ।

सशस्त्रका अर्याललाई आइजीपी नियुक्त गर्न केही दिनअघि मात्रै सरकारले डीआइजीबाट एआइजीमा बढुवा गरेको थियो ।

प्रकाशित समय : १६:०४ बजे