राष्ट्र बैंकका गभर्नर महाप्रसाद अधिकारीलाई गरिएको निलम्बन फुकुवा गरेको अन्तरिम आदेशलाई सर्वोच्च अदालतले निरन्तरता दिएको छ ।

आफूलाई गरिएको निलम्बनविरूद्ध अधिकारीले दिएको रिटमाथि सुनुवाइ गर्दै न्यायाधीश हरि फुयाँलको एकल इजलासले दिएको अन्तरिम आदेश न्यायाधीश सपना प्रधान मल्ल र टंक मोक्तानको इजलासले निरन्तरता दिएको हो । दुवै पक्ष बहस सुनेपछि उक्त आदेश गरेको सर्वोच्चका प्रवक्ता विमल पौडेलले जानकारी दिए ।

सरकारले गभर्नर अधिकारीलाई  चैत २५ गते निलम्बन गरेको  थियो । तर त्यसविरुद्ध उनले वैशाख ४ गते रिट निवेदन दिएका थिए । न्यायाधीश हरिप्रसाद फुयाँलको वैशाख ६ गतेको एकल इजलासले जाँचबुझ समिति गठन गर्ने सरकारको निर्णय कार्यान्वयन नगर्न अल्पकालीन आदेश दिएसँगै गभर्नर अधिकारी काममा फर्किएका थिए ।

प्रकाशित समय : २३:३१ बजे