भारतीय चर्चित गायक इन्डियन आइडल २०२१ विजेता पवन दीप राजन यही वैशाख ११ गते लर्ड अफड्रिंक्स (एलओडी) मा आफ्नो विशेष सांगीतिक प्रस्तुति दिने भएका छन् । यही क्रममा उनकाे सांगीतिक प्रस्तुति हेर्न युवादेखि वृद्धासम्मको आकर्षण बढ्ने देखिएको छ ।

पवन दीपको सांगीतिक प्रस्तुति हेर्न ९३ वर्षीय वृद्धले समेत टिकट खरिद गरेका छन् । ३६५ इभेन्टस् एण्ड मिडियाका प्रमुख कार्यकारी अधिकृत नारायण आचार्य (ह्यापी)का अनुसार पवन दीपको सांगीतिक प्रस्तुति हेर्न ९३ वर्षीय वृद्धले घरमै बोलाई टिकट खरिद गरेको जनाएका छन् ।

रोटरी क्लब अफ पाटन वेस्टले आयोजना गरेको र ३६५ इभेन्टस् एण्ड मिडियाले व्यवस्थापन गरेको पवन दीप राजनको सांस्कृतिक कार्यक्रममा दुई थरीका टिकट व्यस्था गरिएको छ । २५ सय र ३ हजार दरको टिकट राखिएको र उक्त टिकटबाट उठेको रकम रोटरी क्लबले सामाजिक कार्यका लागि सहयोग गरिने आयोजकले जनाएका छ । आयोजकका अनुसार अनलाइन टिकटका लागि भुक्तानीप्रदायक आइएमई पे वालेटमार्फत अग्रिम टिकट खरिद गर्न सकिने जनाएको छ ।

सांगीतिक कार्यक्रमलाई विभिन्न राष्ट्रिय अन्तर्राष्ट्रिय ब्राण्ड र कम्पनीले प्रायोजन गरेका छन् । चर्चित गायक पवन दीपले विभिन्न धार्मिक स्थलहरूको समेत अवलोकन गर्ने आयोजकले जनाएको छ ।